مش بقدر أفهم ليه فى السينما، فى مشهد النهاية لأى فيلم (حلو أو مش حلو) الناس بتقوم تجرى و ما بتكملش للآخر!

انا ما بحسش إن الفيلم خلص فعلاً إلا لما أسمع موسيقى تتر النهاية كلها، علشان بحس إن هية دة النهاية اللى يتختم بيها الفيلم بجد.
للأسف فى الغالب مبعرفش أسمتع بيها أوى علشان دوشة الناس و هية ماشية.
مرة إتنرفزت أوى لما السينما قفلت الشاشة فى أول الموسيقى و كانت عاجبانى جداً.

A friend of mine took this photo for 3arabeyt shorta.I just removed its number.

كنت جبت سيرة الموضوع ده هنا وماكانش فيه عليه أي رد فعل، بعد كده لقيته في أولويات بن عبد العزيز وبرضه مالك كتب عنه وأكيد فيه تدوينات تانية، يعني الموضوع فعلا يستاهل.المشكلة ازاي بنتعامل معاه، دلوقت كل واحد بيكتب عن تجربة فردية والتفاعل معاه يكاد يكون منعدم، وييجي البعض في الآخر يقوللك الذنب ذنب الحكومة.خلاص بقى أمر مفروغ منه ان الحكومة مابتعملش حاجة ولو عملت ياريت حد يفكرني، الحل أسهل مما نتصور واتنفذ بصورة عملية في غير محله (فاكرين ايميلات المقاطعة الشهيرة)؛ يعني لو الآراء والتجارب الشخصية اتجمعت في مكان واحد معروف ممكن يشكل ضغط على اللي بيمارسوا الغش بصورة علنية، وما أكثرهم.حأرجع تاني أقترح زي ما اقترحت قبل كده بس المرة دي بالعربي، ليه مانعملش موقع نجمع فيه الآراء والتجارب دي بحيث توصل لجمهور أكثر وبطريقة منظمة؟الكلام مابيجيبش فايدة غير كده، ومش حانوصل لحاجة غير كده، ولا مابينفعش غير الميلات الهبله؟؟ بس أنا شكلي بأحلم بزيادة والكلام ده حيتنسي زي اللي قبله وألاقي كمان شهر على مدونة تانية حد بيحكي عن تجربة حصلتله ولا حياة لمن تنادي